Blertina Koka / Shëndet+
Në një status të publikuar së fundmi në Facebook, ish-kryeministri Sali Berisha njofton se ministri i Shëndetësisë, Ilir Beqaj, është përfshirë tërthorazi në ngjarjet e bujshme të ditëve të fundit në politikë, atë të Emiljano Shullazit.
Sipas zotit Berisha, një qytetar ka denoncuar se djali i xhaxhait të Ilir Beqës, Ylvi Beqja, i ka dhuruar hotel Vollgën Emiljano Shullazit.
“Arapi, bamirësi i madh që e bëri të lumtur Milin të Partisë duke i dhuruar hotel Vollgën, është fiks Ylvi Beqja, djali i xhaxhait te Ilir Beqës”, informon qytetari digjital.
Në shkrimin e tij në Facebook, zoti Berisha i bën thirrje prokurorisë që të hetojë lidhjen mafioze të Beqajt me Emiliano Shullazin.
Më poshtë shënimi i plotë i ish-kryeministrit.
Qytetari digjital informon se:
Arapi, bamirësi i madh që e bëri të lumtur Milin të Partisë duke i dhuruar Hotel Vollgën, është fiks Ylvi Beqja, djali i xhaxhait të Ilir Beqës. Qytetari informon se arabët e vërtetë, të paktën prej 10 vitesh nuk janë dukur në Shqipëri. Këtu na del një tjetër Shullaz në qeveri. I bëj thirrje prokurorisë të hetojë lidhjen mafioze te Beqjave me Milin e Partise! sb
“Doktor përshëndetje, përfaqësuesi i arabeve tek Vollga është Ylvi Beqja, djali i xhaxhait të Ilir Beqës. Dhe arabët nuk kanë shkelur të paktën prej 10 viteve në Shqipëri. Dhuruesi real është djali i xhaxhait të Beqës se arabët kanë deleguar tek ky pronën dhe nuk vijnë kurrë në Shqipëri.”
