Përshtati për gazetën “Shëndet+”: Blertina Koka
Shkencëtarët kanë zbuluar një nga sekretet e një bime të përdorur në mjekësinë popullore kineze. Bima mjekësore kineze, e njohur me emrin “Huang-Qin” (ang: skullcap, shqip: lule gojë-ujku), është përdorur tradicionalisht për uljen e temperaturës, problemet me mëlçinë dhe mushkërinë. Së fundmi, shkencëtarët kanë zbuluar se kjo bimë mund të përdoret edhe për prodhimin e substancave që janë të mira për luftimin e kancerit.
Ata thonë se janë një hap larg prodhimit të ilaçeve të reja me anë të kësaj luleje.
“Është vërtetë e jashtëzakonshme të mendosh se kjo bimë që është përdorur si kurë popullore kineze për mijëra vjet, mund të përdoret tani edhe në mjekësinë moderne”, shprehet prof. Cathie Martin, udhëheqësja e studimit.
Ekipi i saj, në bashkëpunim me shkencëtarë të tjerë kinezë, arritën të zbulonin se si bima “Scutellaria baicalensi” sintetizon substancat e quajtura flavonoide, të cilat u japin ngjyrë luleve.
Kërkimet e mëparshme laboratorike kanë treguar se këto substance kanë veti anti-kancer, duke dhënë shpresë që një ditë ato mund të përdoren për trajtimin e kancerit.
Burimi: BBC / https://shendeti.com.al/
