Ebola duket se është fare pranë vendit tonë, ndërsa është shënuar viktima e parë në shtetin fqinj në Maqedoni. Ndërkohë shefja e sektorit të epidemiologjisë në ISHP, Silva Bino, pohon se personi në fjalë nuk kishte pasur udhëtime në vende risku.
“Kolegët maqedonas na informojnë se personi nuk ka patur udhëtime ne vende risku dhe nuk ka patur shenja hemorragjike”, thekson Silva Bino.
Lajmi për vdekjen është konfirmuar nga një zyrtar i qeverisë maqedonase bën me dije agjencia e lajmeve “Reuters”. Ndërkohë që nga i njëjti burim bën me dije se një tjetër britanik ka simptomat e virusit.
Nëse do të vërtetohej se britaniku ka humbur jetën nga virusi Ebola, atëherë do të ishte i pari i prekur në rajon nga ky virus i rrezikshëm. Kjo do të vërtetonte edhe faktit që i druhen të gjithë, që virusi Ebola tashmë ndodhet në Ballkan.
