Bluzat e bardha kanë vendosur që ta vazhdojnë protestën e tyre sërish edhe sot. Në njoftimin e nxjerrë thuhet se protesta do të vazhdojë, ndërkohë që përveç QSUT-së, materniteteve të Tiranës, protesta është përhapur edhe në rrethe. Sërish, përveç 
kërkesave për kushte më të mira pune, ilaçe cilësore dhe të mjaftueshme nëpër spitale, aparatura mjekësore bashkëkohore, bluzat e bardha rikërkojnë dorëheqjen e ministrit të Shëndetësisë, Ilir Beqaj, duke e akuzuar atë për ndërmarrjen e një nisme antiligjore.
Në njoftimin e radhës thuhet se bluzat e bardha kërkojnë:
- Respektimin e ligjeve!
- Sistem shëndetësor publik me standarde për të ofruar shërbim cilësor ndaj pacientëve!
- Kushte pune, ambiente pune optimale, aparatura mjekësore bashkëkohore, ilaçe cilësore dhe te mjaftueshme nëpër spitale.
- Reforma reale në shëndetësi, duke plotësuar spitalet e rretheve me ambiente optimale, mjete pune dhe personel mjekësor të specializuar.
- Respektim të autonomisë profesionale të bluzave të bardha.
- Dixhitalizim të kartelave mjekesore si investim që ndikon në kujdesin mjekësor afatmesëm dhe afatgjatë. Protokolle klinike kombëtare. Biblioteka mjekësore dixhitale me akses të hapur.
- Vlerësim të punës së profesionistëve të mjekësise: rritje rroge.
- Të mbajnë përgjegjësi legalo-administrative personat që ndërmarrin nisma antiligjore: të dorëhiqen!/ Shëndeti Online
