Buka e zezë është shumë popullore dhe e shëndetshme nëse është vërtetë e tillë. Sekreti i bukës së zezë është se ajo është e pasur me fibra, vitamina B dhe E, selen, hekur, magnez, zink dhe protein të tjera shumë të shëndetshme. Një sasi e vogël e bukës së zezë ju jep ndjesinë e ngopjes. Buka e zezë përmban më pak kolesterol “të keq” se buka e bardhë. E rëndësishme është që të dini të bëni dallimin midis ngjyrës së bukës sepse në ditët e sotme, buka e zezë nuk është në të vërtetë e tillë. Ajo mund të ketë ngjyrues të ndryshëm, kakao, kafe, madje edhe verë.
Si të dalloni nëse buka është me të vërtetë e zezë?
- Merrni një copë bukë në mesin e saj dhe vendoseni në ujë pak të vakët. Nëse buka fillon të zbardhet dhe uji merr ngjyrë “të pistë” atëherë do të thotë se buka nuk është në të vërtetë e zezë, por ka ngjyrues në të.
- Buka e zezë duhet të jetë më e ngjeshur dhe më kompakte se buka e bardhë dhe duhet të ketë një përqindje më të lartë të lagështisë.
- Buka e zezë duhet të jetë më elastike se buka e bardhë.
- Mesi (tuli) i bukës së zezë i ka më të thella poret dhe ka një volum më të ulët.
- Buka e zezë ka aromë pak më të fortë se buka e bardhë.
Përshtati në shqip për “Shëndet+”: Daniela Bardhi/ Burimi: steptohealth
