Është gjetur e pajetë gjatë orarit të punës një punonjëse e spitalit të Burrelit. 61-vjeçarja me inicialet T.T, që punonte si laborante në këtë spital, është gjetur pa shenja jete nga punonjësit e tjerë të spitalit.
Në vendngjarje kanë shkuar menjëherë efektivët e policisë, të cilët pas kontrollit që i kanë bërë kufomës, nuk kanë gjetur shenja dhune në të.
Pas kryerjes së ekspertizës mjeko-ligjore, dyshohet se e ndjera ka ndërruar jetë si pasojë e një arresti kardiak.
Lidhur me këtë rast, materialet i kaluan Prokurorisë së Matit, për veprën penale “Ngjarje aksidentale”.
Burimi: Gazeta Dita
