Asnjë ushqim apo infuzion nuk mund ta shërojë infarktin kardiak. Por është po aq e vërtetë se një mënyrë ushqyerje e shëndetshme që në fëmijëri, bën që të ulet mundësia e sëmundjeve të zemrës (kardiovaskulare) në moshat e rritura.
Dieta mesdhetare është e përsosur për të mbrojtur zemrën tonë duke i kushtuar kujdes të veçantë: peshkut të detit (i pasur me Omega 3, acid mbrojtës i zemrës), domateve të freskëta, limonëve, grurit, vajit të ullirit, lëpietës, hudhrës, dhe kripës.
Përdorimi i hudhrës, qepës, preshit, shumë të pasura me antibiotikë natyralë, është veçanërisht i rëndësishëm tek personat me rrezik kardiak. Në fakt, është vërejtur se infarkti kardiak godet koronat e dëmtuara në rastet e sëmundjeve, si: bajamet apo patologji të tjera inflamatore, mikrobet e zakonshme patogjene hyjnë në qarkullim duke goditur arteriet e dëmtuara.
Në këto raste hudhra dhe qepa me “pushtetin” e tyre të madh dezinfektues arrijnë të parandalojnë infeksionin e pllakës koronare.
Parandalimi më i mirë që mund t’i bëhet sëmundjeve kardiake, është gjithashtu një aktivitet fizik i rregullt (janë të mjaftueshme 20 minuta shëtitje në ditë) edhe eliminimi tërësor i duhanit. Ciro Vestita, dietolog italian
