Arbër Veliu, gastro-hepatolog në Kosovë
Janë një mori faktorësh të ndryshëm (ilaҫe dhe lëndët toksike) që shkaktojnë dhjamosje të mëlҫisë. Më së shpeshti dhjamosja paraqitet tek personat me 
obezitet dhe diabet të tipit 2. Disa ilaçe mund të nxisin dhjamosjen. Faktorë shumë i rëndësishëm në dhjamosjen e mëlҫisë është rezistenca ndaj insulinës. Ulja e ndjeshmërisë ndaj insulinës mund të shtohet nga obeziteti, mosha dhe historia familjare me diabet tip 2.
Njerëzit me peshë të lartë trupore dhe me shtim të dhjamit në trup dhe rreth barkut janë më të prirur të shfaqin rezistencë ndaj insulinës sesa njerëzit që dhjamosjen e kanë të shpërndarë në pjesët e tjera të trupit. Si pasojë e kësaj uljeje të ndjeshmërisë rritet nevoja për insulinë. Duke u rritur niveli i insulinës rritet edhe tensioni arterial, rriten trigliceridet dhe dhjamosja e mëlҫisë.
Alkooli i tepruar është faktori tjetër kryesor që krijon dhjamosje si pasojë e ҫrregullimit të rrugëve të djegies dhe shkatërrimit të saj në mëlҫi.
Faktorë të tjerë të dhjamosjes janë: dislipidemia (ҫrregullimi i yndyrnave), hipertensioni arterial i gjakut, kequshqyeshmëria dhe sidomos uria ose humbja e shpejtë e peshës trupore me dietë ose në mënyrë kiurgjikale, ҫrregullimet metabolike, medikamentet e ndryshme (amiodaroneetj),shtatzënia, hepatiti B dhe C etj.
Disa individë të ndryshëm mund të bëjnë dhjamosje të mëlçisë edhe pa pasur asnjë nga situatat e sipërpërmendura.
