Përgjigjja nga stomatologia Elida Fejzo
Mund të themi se shkak i parë mund të jenë gurëzat. Gurëzat kanë një raport të ngushtë me mishrat e dhëmbëve. Ato zënë gradualisht vendin e tyre dhe ky tensionim i mishrave bën që nganjëherë edhe një prekje me gjuhë e mishit të provokojë gjakrrjedhje.
Megjithatë, gurëzat mund të mos jenë shkaku i vetëm i hemorragjisë së dhëmbëve. Ajo mund të vijë si pasojë e një këllëfi apo ure të vendosur jo korrekt, e një mbushjeje të varur. Mund të vijë si pasojë e përdorimit jo korrekt të furçës, e cila mund të jetë shumë e ashpër apo e një metode të gabuar të larjes së dhëmbëve (pra, furça mund të jetë mesatare, por mëshimi i fortë i saj mund të shkaktojë gjakderdhje tek mishrat).
Po ashtu mungesa e vitaminës C në organizëm, e vitaminës K, shkaktojnë gjakrrjedhje tek mishrat. Gjithsesi për çdo rast të tillë është mirë të mos neglizhohet dhe të kontaktohet menjëherë mjeku stomatolog.
