Ministria e Shëndetësisë merr papritur vendimin të zgjasë kufirin e moshës për personat që mund të bëjnë check-up falas.
Me një vendim të botuar në Fletoren Zyrtare, qeveria ka zgjeruar bazën e përfituesve nga 40-65 vjeç në 35-70 vjeç, të cilët mund të kryejnë të gjitha analizat mjekësore pranë qendrave shëndetësore.
Pavarësisht se deri më tani Ministria e Shëndetësisë nuk e ka pranuar, kontrollet nga qytetarët kanë qenë shumë më të ulëta seç ishin planifikuar. Ndërkohë që kompanisë koncesionare i është garantuar pagesa për 475 mijë kontrolle në vit, “Gazeta Sot” pretendon se disponon shifra reale që vërtetojnë se përmbushja e planit mbi kontrollet brenda një viti është shumë larg.
Mosrealizimi i kuotës së përcaktuar në kontratë do të thotë një përfitim për një punë të pakryer nga kompania, ndaj si manovër mund të jetë parë zgjerimi i kufirit të moshës.
Ky ndryshim i beftë në kufirin e moshës ngre dyshime të forta për dështimin e këtij koncesioni të akuzuar nga opozita dhe mediat si një aferë e dyshimtë dhe korruptive./ https://shendeti.com.al/
