Gazetare: Klevisa GJIKA
Cigarja përbën një rrezik të madh për përhapjen e koronavirusit. Galacia e Spanjës bëhet vendi i parë që e ndalon tymosjen, madje edhe vende të tjera po e shohin me sy pozitiv këtë masë të marrë, në mënyrë që të shmanget sa më shumë të jetë e mundur përhapja e mëtejshme e COVID-19.
Më saktësisht, në këtë vend të Spanjës ndalohet pirja e duhanit në rrugë dhe vende publike, si restorante dhe bare, nëse distancimi fizik nuk është i mundur. Sipas mjekëve, duhanpirësit kanë më shumë të ngjarë të marrin infeksione të frymëmarrjes dhe të zhvillojnë komplikacione, si pneumonia në një fazë të zhvilluar.
BBC shkruan se kjo masë e re u njoftua që ditën e djeshme nga qeveria spanjolle. “Pirja e duhanit pa kufi … me njerëzit afër dhe pa ndonjë distancim shoqëror përbën një rrezik të lartë infeksioni,” tha Alberto Nunez Feijoo, president i Galacias.
“Ne e dimë që kjo është një masë jopopullore për duhanpirësit,” shtoi Alberto Fernandez Villar, anëtar i komitetit klinik që këshillon qeverinë, sipas gazetës El País. “Por unë besoj se jemi në një situatë të jashtëzakonshme.”
Masa të ngjashme janë marrë në mars në Afrikën e Jugut, ku ndalimi i shitjes së duhanit u bë që në fillim të pandemisë./BBC
