Alergologia Klejda Elezi:
Medikamentet më të shpeshta që akuzohen për reaksione alergjike janë:
Antikonvulsantët- Insulina
- Penicilina, b laktamet
- Produktet e kontrastit etj
Cilat janë simptomat kryesore të një reaksioni nga ilaçet?
Problemi më i madh me pacientët është që shpesh ngatërrojnë një reaksion alergjik me rastet ku kemi të bëjmë thjesht me një efekt anësor të medikamentit. Simptomat kryesore të një reaksioni nga ilaçi janë:
- Edema të buzës, gjuhës apo fytyrës
- Fishkëllima në kraharor
- Elemente në lëkurë (skuqje, urtikarie etj)
- Prurit
Cilat janë shfaqjet më të rrezikshme të një reaksioni nga ilaçet?
Një ndër shfaqjet më të rrezikshme të një reaksioni të tillë është anafilaksia që është një rrezik për jetën dhe që mund të shfaqet me këto simptoma:
- Konfuzion, dhimbje abdominale (e pjesës së barkut), diarre, vështirësi në frymëmarrje, përzierje, të vjella, palpitacione, ulje të tensionit të gjakut etj
