Përgjigjja nga mjeku Arjan Harxhi:
Tek një mashkull një infeksion seksualisht i trasmetueshëm i grupit të sindromit të uretritit që shkaktohet nga gonorreja, klamidia, trikonomosi mund të manifestohet me rrjedhje qelbi.
Ndërsa tek femrat infeksioni i qafës së mitrës apo i vaginës mund të manifestohet me sekrecione jonormale (fiziologjike), çrregullime të ciklit, dhembje gjatë marrëdhënieve seksuale, me infeksioneve të tipit të sytheve gjenitale, me praninë e puçrrave në organet gjenitalet që manifestohet si sifilizi, ashtu dhe herpesi.
Këto janë ato që ne i ndajmë në sindroma të mëdha. Nëse ka ankesa të tilla, mjeku specialist duhet të investigojë për të vlerësuar këtë lloj sindromi dhe ta mjekojë.
Por në shumicën e rasteve, për shembull, infeksioni nga klamidia në 2/3 e rasteve nuk ka shenja dhe simptoma.
Prandaj është e rëndësishme që këta persona bartës pa shenja duhet të diagnostikohen dhe mjekohen, sepse përbëjnë burim infeksioni për popullatën. Prandaj kur diagnostikojmë dhe trajtojmë një pacient, duhet të menaxhojmë edhe partnerin ose partnerët, pasi është pjesë e rëndësishme e protokollit të trajtimit dhe në këtë mënyrë reduktohet infeksioziteti në popullatë.
