Kryefaqja Lajm kryesor Cilat janë vlerat e dëshiruara të kolesterolit në gjak?

Cilat janë vlerat e dëshiruara të kolesterolit në gjak?

0
Shpërndaje

Përgjigjet Dr. Anila Rexha, mjeke kardiologe në Qendrën Shëndetësore Nr.3

Vlerat normale të kolesterolit në gjak nuk janë aq fikse, sepse për grupmosha të ndryshme ka targete të ndryshme. E mira është, pra ajo që quhet vlerë optimale e kolesterolit në gjak të jetë nën 200 mg/ dl. Mund të konsiderohet normale dhe një vlerë deri në 230 mg/ dl, por sigurisht për ta detajuar apo vlerësuar më korrektësi  riskun kardiovaskular individual ne marrim si vlera të rëndësishme edhe kolesterolin e mirë HDL kolesterol dhe kolesterolin e keq LDL. Vlerat e tyre janë gjithashtu shumë të rëndësishme, krahas vlerës së kolesterolit total.

Vlera e LDL kolesterol apo kolesterolit jo të mirë është mirë që të jetë nën 130 mg/dl për gjithë popullatën dhe  për popullatën e riskuar, që janë pacientët me sëmundje të arterieve koronare, pacientët me diabet, pacientët me sëmundje renale, të moshuarit etj, për këtë kategori  norma është mirë që të jetë nën 100 mg/dl. E kundërta ndodh me kolesterolin e mirë apo lipoproteinën ndihmëse që ndihmon kolesterolin të qarkullojë/mos depozitohet në muret e arterieve, ku e mira është që të jetë mbi 40 mg/ dl./ Shendeti.com.al

LËR NJË MESAZH

Please enter your comment!
Please enter your name here