Cilat shërbime shëndetësore janë kontrollues sipas ligjit për mbrojtjen e të dhënave personale?
Çdo person fizik ose juridik, autoritet publik, agjenci apo njësi tjetër, të cilët, vetëm apo në bashkëpunim me të tjerë, mbajnë, përpunojnë, administrojnë, arkivojnë dhe për këtë shkak kontrollojnë të dhëna personale (shëndetësore).
Çdo person që ruan apo përpunon të dhënat tuaja shëndetësore ose që përgatit një recetë mjekësore. Këtu përfshihen shërbime si: Mjekët, Infermierët, Farmacistët, Dentistët, Psikologët, Fizeoterapistët, Instruktorët në Palestra, Masazhatorët, Punonjësit social, Shërbimet për persona me aftësi të kufizuar, Shërbimet për fëmijët, etj.
Cilat janë të dhënat shëndetësore?
Çdo informacion ose opinion në lidhje me shëndetin ose paaftësinë tuaj për të kaluarën, të tashmen ose të ardhmen, gjithashtu çdo e dhënë personale e marrë gjatë një shërbimi shëndetësor si:
simptomat që ju përshkruani apo vëzhgimet të cilat bëhen nga mjeku
dosjet mjekësore
recetat, raportet patologjike, të tilla si ata që lidhen me mostrat e gjakut apo me rrezet x
të dhënat dentare
numri juaj shëndetësor
informacioni gjenetik – testi gjenetik apo ai për prezumim atësie
të dhëna të tjera shëndetësore të tilla si seksi apo gjinia
Ky artikull u prodhua nga “Together for Life” në kuadër të projektit “Të drejtat e pacientëve në sistemin e drejtësisë”, si pjesë e skemës së granteve të projektit “Përfshirja e shoqërisë civile për një sistem drejtësie funksional dhe të barabartë për të gjithë në Shqipëri”, i financuar nga Bashkimi Evropian dhe i zbatuar nga Save the Children në partneritet me Qendra e Shërbimeve dhe Praktikave Ligjore të Integruara. Përmbajtja e këtij materiali është përgjegjësi e vetme e “Together for Life” dhe jo domosdoshmërisht paraqet pikëpamjet e Bashkimit Evropian, Save the Children dhe Qendrës së Shërbimeve dhe Praktikave Ligjore të Integruara.
