Nga mjeku endokrinolog Dashamir Gjergji
Barnat që përdoren për të luftuar obezitetin në të vërtetë janë shumë pak të aprovuara nga instancat mjekësore botërore, zakonisht barnat rezervohen kur kanë dështuar të gjitha metodat e tjera konservative.
Zakonisht grupet e obezëve që trajtohen me barna janë ato me obezitet të rëndë BMI mbi 35, gjithashtu mund të trajtohen edhe obezët e gradave të tjera, kur kanë sëmundje bashkëshoqëruese. Kirurgjia bariartrike është një formë e njohur e trajtimit të obezetit.
Kjo lloj kirurgjie aplikohet në ndërhyrjet që bëhen në stomak dhe zorrët e holla duke hequr pjesë të caktuara të tyre ose duke reduktuar ndjeshëm këto struktura.Duke qenë një metodë invazive sigurisht nuk përdoret rutinë, por rezervohet më shumë të rastet e rënda dhe kur nuk kanë pasur rezultat metodat e tjera më të lehta.
