Një katastrofë mjedisore në Lumin e Gjanicës në Fier. I gjithë lumi ka marrë ngjyrë gri, apo atë të naftës, si pasojë e mbetjeve që derdh në lumë uzina e rafinerisë së naftës në Ballsh. Lumi i Gjanicës, i cili vjen nga zona naftëmbajtëse e Ballshit, kalon përmes Fierit dhe sjell me vete edhe mbetjet hidrokarbure të dëmshme për shëndetin.
Industria e degraduar e përpunimit të naftës e ka kthyer këtë lumë në burim rreziku për fierakët. Era e rëndë e mbetjeve toksike ka përfshirë gjithë mjedisin përgjatë shtratit të lumit, duke rrezikuar kështu jetën e banorëve. Flora dhe Fauna gjithashtu rrezikojnë të zhduken për shkak të helmeve./ https://shendeti.com.al/
