Një adoleshent është cilësuar si “nxënësi më i bukur në Kinë” pasi tre vitet e fundit të jetës së vet ka mbajtur në kurriz shokun e vet të paralizuar në mënyrë që ky i fundit të mos humbasë asnjë orë mësimi.
Historia e djalit 18-vjeçar Xie Xu, i cili vullnetarisht kujdeset për shokun e klasës 19-vjeçar Zhang Çi, është shpërndarë në gjitha rrjetet sociale kineze dhe në mediat lokale.
Guo Çunxi, zv.drejtor i gjimnazit ku dy të rinjtë studiuan për tre vjet e cilëson historinë e tyre si “frymëzuese dhe prekëse”. Ai thotë se Xie ka dhënë shembull, duke e ndihmuar Zhangun, i cili vuan nga distrofia muskulare, një gjendje që dobëson muskujt gradualisht.
“Ata nuk janë familje, por i riu Xie e ka bërë këtë veprim për 3 vjet. Ai është nxënësi më i bukur. Ka ndikim pozitiv tek nxënësit e tjerë, të cilët gjithashtu e ndihmojnë Zhangun. Me ndihmën e tyre Zhangu nuk ka munguar asnjë ditë në shkollë.
Fotografitë e dy shokëve të postuar në rrjetet sociale kineze janë cilësuar një mesazh mbështetjeje nga publiku. Por Xie dhe Zhang nuk do të udhëtojnë bashkë dhe për shumë kohë.
Sipas Shanhaiist.com, Xie ka aplikuar për të vazhduar studimet në Institutin Politeknik.
Brenda një muaji Zhang do të japë provimet e hyrjes në kolegj dhe suksesi do t’i shohë shokët të ecin në rrugët e tyre të ndara.
Dhe ndërsa historia e tyre është cilësuar si tepër prekëse, tashmë ngrihet pyetja se ç’do të ndodhë me Zhangun kur Xie të largohet.
Sipas raportit amerikan për të drejtat e njeriut, në Kinë ende mbetet një humnerë e madhe e realitetit dhe të drejtës ligjore për mosdiskriminimin e njerëzve me aftësi të kufizuar dhe të drejtës për të qenë të pavarur.
Rreth 243.000 fëmijë me aftësi të kufizuara në të gjithë botën, nuk shkojnë dot në shkollë, ndoshta për shkak se jo të gjithë kanë një mik si Xie./Shëndet+/ Përgatiti: Elena Beta
