Ambasada amerikane me anë të një njoftimi në facebook njofton se qeveria amerikane sëbashku me OBSH po bashkërendon ndihmën për autoritet shqiptare në luftën kundër Covid-19.
Ambasada amerikane bën me dije gjithashtu se përmes USAID po bëhet furnizimi i laboratorëve me pajisje testimi për rritjen e mundësive të zbulimit të rasteve pozitive si dhe raste të tjera.
Postimi i plotë:
“Qeveria e Shteteve të Bashkuara, përmes USAID/Albania, po bashkërendon me Organizatën Botërore të Shëndetësisë ndihmën për autoritetet shqiptare të shëndetësisë në luftën kundër pandemisë COVID-19. USAID po ndihmon Shqipërinë për furnizimin e laboratorëve me pajisje testimi, për rritjen e mundësive të zbulimit të rasteve pozitive dhe të gjurmimit të kontakteve të rasteve, si dhe për masa të tjera. Kjo ndihmë ofrohet në vijim të një partneriteti prej dekadash. Gjatë 20 viteve të fundit, Shtetet e Bashkuara kanë investuar në Shqipëri mbi 51.8 milionë dollarë në fushën e shëndetësisë, dhe mbi 693 milionë dollarë në total”.
