Janë shtuar netët tuaja që nuk po flini? Ndoshta është faji i iPad-it që merrni me vete në krevat thjesht për të kontrolluar mesazhet e fundit të ditës, për t’i hedhur një sy asaj ç’mund të kenë shkruar miqtë tuaj apo për të lexuar një libër të fundit të dalë. Sepse drita artificiale e ekranit ngatërron ritmin e trupit tonë më shumë sesa mund ta bëjë drita elektrike në përgjithësi, rrit kështu rrezikun e patologjive të lidhura me mungesën e gjumit siç janë obeziteti, sëmundjet kardiake, iktusi dhe depresioni.
Duke na vënë në alarm për rrezikun e problemeve të gjumit të shkaktuar nga kompjuterat, tabletët dhe “smartphone” pas perëndimit apo edhe gjatë natës është profesor Karl Saizler i Spitalit të Greve në Boston, në një artikull të tij në revistën “Natyra”, ku theksohet se teknologjia moderne e ka çrregulluar ciklin tonë natyral zgjim-gjumë, duke na shtyrë të flemë gjithmonë e më vonë dhe duke përdorur gjithnjë e më shumë sasi kafeine mëngjesin pasues që të mund të zgjohemi nga gjumi.
