Për shkak të dëmtimeve seriozë që pësoi, sptali i Laçit u mbyll përkohësisht disa ditë pas tërmetit të 26 nëntorit.
Në një deklaratë të datës 11 dhjetor ministrja e Shëndetësisë dhe Mbrojtjes Sociale, Manastirliu, shprehej:
“Sipas akt konstatimit të ekspertëve, ky spital është i dëmtuar në strukturë dhe plani afatmesëm është rindërtimi i spitalit të ri bashkiak të Laçit, si pjesë e planit të rindërtimit të strukturave të dëmtuara nga tërmeti”.
Aktualisht, godina e spitalit të Laçit është bërë gati për t’u shembur duke ju hequr dyert dhe dritaret, ndërkohë që urgjenca e këtij spitali është zhvendosur në mjediset e një kishe.
Por, banorët e Laçit duhet të udhëtojnë drejt Lezhës dhe Tiranës për të marrë shërbime të tjera spitalore. Ata kërkojnë që të bëhet sa më shpejt godina e spitalit të vjetër e të fillojë ndërtimi i të riut.
Burimi: Top Channel
