Mjeku i poliklinikës së Kamzës, Mhill Gecaj ka treguar përmes kësaj fotoje problemin që kanë shfaqur pacientët e tij që punojnë në kultivimin e kanabisit. Ai thotë se përpos dëmeve të tjera, lënda narkotike po shkakton edhe alergji tek njerëzit.
Mjeku që është edhe kryetar i partisë së vogël “Lëvizja Demokristiane” (koalicion me PD) thotë se arat me hashash gjenden 3 km nga qendra e Tiranës.
Statusi i plotë i Mhill Gecaj në facebook
Para dy ditësh me vjen një paciente me një dermatit Alergjik! Duke e pyetur për sëmundjen në anamneze e sipër më thotë ‘punoj në lule’. Çfarë lulesh i thashë?
‘Po në lule o doktor në lule a bar si thonë, si gjithë të tjerët’- tha- nga 12 orë’. ‘Për të nxjerrë bukën e gojës!’ T’ju them të drejtën në fillim nuk e kuptova! ‘Po në përpunim të hashashit o doktor’ tha!
Dhe kjo nuk punonte larg jo, në territorin e Bashkisë Tiranë, se mos kujtoni larg në Shëngjergj apo diku larg, jo jo afër 3 km në vijë ajrore nga qendra e Tiranës. Imagjinoni që ky popull e shikon të ardhmen e punësimit veç tek kanabisi e droga!
Në vend të punishteve të frutave të prodhimeve bujqësore e blegtorale tek fabrikat apo resortet turistike etj etj!
