Gazetare: Klevisa GJIKA
Nuk ndodh rrallë që informacionet të shkojnë në vesh të shurdhët. E njëjta gjë ka ndodhur edhe me çështjen e vënies së maskës me detyrim në ambientet e mbyllura. Deputetët e parlamentit shqiptar nuk e kanë respektuar vendimin e MSH, që sipas aktit normative gjobitet me 2 mijë lekë.
Veprime të tilla nga ligjvënësit e këtij vendi japin një shebull jo të mirë te qytetarët shqiptarë, të cilëve u bëhen vazhdimisht thirrje për respektim të masave. Megjithatë, kryeministri i vendit, Edi Rama, nuk i ëshë bashkuar listës së deputetëve të bindur për mosvënien e maskës. Rama kërkoi që Kuvendi të japë shembullin e vet.
“I dashur Halit vëre maskën. Hajdari vëre maskën. Maskën maskën… maska është tanimë e detyrueshme në ambientet e mbyllura dhe jo e domosdoshme në ambientet e hapura. Përfitoj të sqaroj ata që më kritikojnë kur dal në rrugë dhe jam pa maskë. Në mjedise të hapura mjafton ruajtja e distancës dhe moskontaktimi me shtrëngim duarsh i të tjerëve për të qenë i mbrojtur.
Ndërsa në mjediset e mbyllura me vendim zyrtar të MSH, maska është e detyrueshme dhe Kuvendi duhet të japë shembullin e vetë, gjë që zonja Hajdari nuk po e bën vetë, ndoshta për mungesë maske. (Hajdari ngrihet dhe i jep maskë Ramës). Unë e kam zonja Hajdari, por kur flitet nuk ka nevojë se jemi në distancë. Flamur paqeje ky…”, u shpreh kryeministri.
