Një tjetër rast dhune ndaj bluzave të bardha shënohet në Peqin.
Mësohet se 32 vjeçari Agim Kumbara, nën efektin e alkoolit ka dhunuar mjekun e urgjencës Yllkan Topi. Pas marrjes së njoftimit, policia e Peqinit shkoi menjëherë në vendngjarje, ku bëri arrestimin në flagrancë të autorit.
Me ndryshimet e reja në Kodin Penal dhuna ndaj mjekëve dënohet nga 1 deri në 5 vite burg.
Njoftimi i policisë:
“Godet mjekun e spitalit në Peqin, vihet nën pranga nga Policia 32-vjeçari. Specialistët për Hetimin e Krimit në Komisariatin e Policisë Peqin bënë arrestimin në flagrancë të shtetasit A. K., 32 vjeç, banues në Peqin. Ky shtetas ka shkuar në spitalin e Peqinit dhe nën efektin e alkoolit ka goditur për shkak të detyrës mjekun Y. T.
Pas marrjes së njoftimit, shërbimet e Policisë Peqin kanë shkuar menjëherë në vendngjarje, ku kanë bërë kapjen dhe arrestimin e autorit. Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme”. /Shëndeti.com.al
