“Jemi në mensë, kthehemi shpejt”.
Nëse qytetarët shkojnë për të dhuruar gjak, apo ndodh një rast urgjent ku nevojitet gjak, duhet që të presin derisa të kthehet personeli i pavionit nga mensa. Të paktën kështu pohon letra-shënim e lënë në sportel nga vetë personeli . Në foto duket qartë që asnjë personel nuk gjendet në vendin e recepsionit për t’i shërbyer qytetarëve që po presin në radhë. Në një kohë kur Ministria e Shëndetësisë, Qendra Kombëtare e Dhurimit të Gjakut apo vetë drejtoria e QSUT-së apelon qytetarët për të dhuruar gjak, vetë personeli i këtij pavioni mungon në vendin e punës duke lënë në pritje dhjetëra qytetarë./ Esido Barkaj
