Njerëzit që ndjekin dieta të larta në fibra janë më pak të rrezikuar që të kenë një vdekje të parakohshme dhe të zhvillojnë sëmundje kronike si goditja në tru ose kanceri, krahasuar me njerëzit që konsumojnë një dietë të ulët në fibra, ka zbuluar një studim i ri.
Fibrat dietike përfshijnë karbohidratet me bazë bimore, si drithërat, farat dhe disa lloje thjerrëzash. Studimi tregon se dozat e larta të fibrave ulin rrezikun e një sërë sëmundjesh (sëmundjet e zemrës, diabeti tip 2 dhe kanceri kolorektal), ul peshën trupore dhe nivelet në total të kolesterolit, si dhe ul rrezikun e vdekjes së parakohshme.
Shkencëtarët nga Universiteti Otago në Zelandë të Re kanë marrë miratimin e Organizatës Botërore të Shëndetësisë që të njoftojnë mbi rekomandimet e reja të dozave të fibrave.
Shkencëtarët analizuan mbi 180 studime vëzhguese dhe 50 eksperimente klinike të 4 dekadave më parë.
“Përfitimet shëndetësore të konsumimit të fibrave duken të jenë edhe më të mëdha seç është menduar më parë” shpjegon bashkëautori Jim Mann, profesor në Universitetin Otago.
Një dietë e pasur me fibra lidhet me 22% më pak rrezik për zhvillimine goditjes në tru, 16% më pak rrezik për zhvillimin e diabetit tip 2 dhe kancerit kolorektal, dhe 30% më pak rrezik për vdekje nga sëmundjet e zemrës.
Shkencëtarët rekomandojnë konsumin e 25 gramëve deri në 29 gramë fibra çdo ditë. Dozat më të larta janë edhe më të mira.
Burimi: CNN / Shendeti.com.al
