Kryefaqja Lajm kryesor Dieta e varfër përgjegjëse për përhapjen e kancerit

Dieta e varfër përgjegjëse për përhapjen e kancerit

0
Shpërndaje

Dieta mund të ketë më shumë ndikim në rrezikun për zhvillimin e kancerit, seç mund ta mendonit, ka zbuluar një studim i ri. Sipas një studimi të publikuar në revistën shkencore JNCI Cancer Spectrum, në 2015 janë evidentuar më shumë se 80.000 raste të reja kanceri, të cilat lidhen me dietën e varfër.

“Kjo është e barasvlershme me 5.2% të të gjitha rasteve të kancerit invaziv të diagnostikuara në vitin 2015 në Amerikë”, thotë Dr. Fang Fang Zhang, epidemiolog i kancerit në Universitetin Tufts në Boston, njëkohësisht edhe autor i këtij studimi.

Shkencëtarët vlerësuan 7 faktorë të ndryshëm dietik: konsumi i ulët i perimeve, frutave, drithërave dhe produkteve të bulmetit, dhe konsumi i lartë i mishit të përpunuar, mishit të kuq, pijeve të sheqerosura dhe të gazuara.

“Konsumimi i ulët i drithërave është faktori kryesor ushqimor i lidhur me përhapjen e kancerit në Amerikë, ndjekur nga konsumimi i ulët i produkteve të bulmetit, konsumimi i tepërt i nënprodukteve të mishit të përpunuar, konsumimi i ulët i perimeve dhe frutave, konsumimi i tepërt i mishit të kuq dhe i pijeve të sheqerosura”, thotë Zhang.

Shkencëtarët kanë zbuluar se dieta e varfër (kequshqyerja) ndikon më shumë në zhvillimin e kancerit të zorrës së trashë dhe rektal.

Këshilla nga dietologia Blerina Bombaj

  • Rrisni konsumin e drithërave të plotë, duke kthyer gjysmën e atyre që konsumoni në integrale. Kjo do te thotë të vendosni tërshërë, thekër, bukë të zezë, makarona dhe oriz integral, kuinoa dhe hikerror, më shpesh në ushqimin e përditshëm.
  • Konsumoni 3 racione bulmet në ditë, duke preferuar më shumë kosin dhe djathin në vend të qumështit, mundësisht me yndyrë të reduktuar. Kjo do të rriste ndjeshëm parandalimin e kancerit të zorrës së trashë, duke qenë se bulmeti luan rol mbrojtës kundër këtij kanceri.
  • Ulni konsumin e nënprodukteve të mishit: sallame, proshuta, salsiçe, kremviçe, pancete, mish i tymosur etj.
  • Evitoni pijet e sheqerosura te fëmijët dhe adoleshentët, pasi ato lidhen me rritje të peshës trupore dhe rrjedhimisht me rritje të rrezikut nga kanceri.

Burimi: CNN/ Shendeti.com.al

LËR NJË MESAZH

Please enter your comment!
Please enter your name here