Kryefaqja Dieta Dieta ushqimore për parandalimin e ripërsëritjes së një episodi kardiak

Dieta ushqimore për parandalimin e ripërsëritjes së një episodi kardiak

0
Shpërndaje
Heart shape created with foods which could be eaten as part of a mediterranean diet which contributes to heart health, tomatoes, walnuts, mixed nuts, apple, bell pepper, celery, asparagus, broccoli, lentils, carrots, strawberries, blueberries, kiwi fruit, avocardo, bananas and fish ( trout, oily fish is particularly beneficial).

Blerina Bombaj, dietologe

Sëmundjet kardiake, shkaku kryesor i vdekjeve

Sëmundjet kardiake janë shkaku kryesor i vdekjeve sot për sot në pjesën më të madhe të botës. Shumë energji dhe para janë shpenzuar nga komuniteti shkencor për gjetjen e ilaçeve për sëmundjet e zemrës dhe shumë pak është investiguar roli i ushqimit në parandalimin dhe trajtimin e këtyre sëmundjeve. Në këtë artikull, do të lexoni një përmbledhje të të dhënave shkencore dhe rekomandimeve dietike për trajtimin e pacientëve pas një episodi kardiak.

Disa studime epidemiologjike kanë treguar se ndryshimi i stilit të jetesës (ushqimi i shëndetshëm, aktiviteti fizik, pesha trupore normale dhe ndërprerja e alkolit/duhanit), kane ulur me 45-80% incidentet kardiake. Sa më të mëdha ndryshimet në këto aspekte, aq më e madhe mbrojtja nga episodet kardiake.

Dieta DASH – Dieta që ul tensionin

Në studime të shumta, dieta DASH (Dietary Approach to Stop Hypertension) rezulton me efekt pozitiv në uljen e dështimit kardiak, incidenteve dhe hipertensionit. Kjo dietë konsiston në:

– Konsum të rritur të perimeve, frutave, fasuleve, drithërave integralë, frutave të thata

-Konsumin e 3 racioneve peshk të kaltër në javë, mundësisht peshq të vegjël që konsumohen bashkë me hala.

-Uljen drastike të yndyrës së bulmetit dhe marrjen e 3 racioneve qumësht – kos pa yndyrë

-Konsumin e jo më shumë se 3-4 vezëve në javë

-Konsumin vetëm të vajrave bimorë, jo më shumë se 2-3 lugë të mëdha në ditë

-Uljen drastike të mishit të kuq dhe nënprodukteve të tij

-Kufizim të sheqerit

-Minimizim të kripës

Krahasuar me rekomandimet tradicionale dietike për shëndetin e zemrës, dieta DASH ka ndikuar më shumë në elasticitetin e arterieve të mëdha, në kapacitetin e të ushtruarit dhe në cilësinë e jetës, dhe të gjitha këto, pa rënë në peshë.

Dieta Mesdhetare, mbrojtje e vërtetuar

Dieta mesdhetare ka disa të përbashkëta me dietën DASH, si psh konsumi i rritur i fruta/perimeve, frutave të thata dhe fasuleve, peshkut dhe kufizimi i mishit të kuq. Ndryshimi qëndron se dieta mesdhetare nuk është aq e varfer në yndyrë sa dieta DASH, përfshin pak bulmet dhe nënprodukte si djathi, vajin e ullirit si yndyre kryesore, erzat e njoma dhe konsumin e moderuar te verës së kuqe. Sikurse edhe dieta DASH, dieta mesdhetare ka treguar efekte veçanërisht protektive ndaj insufiçiencës kardiake dhe ripërsëritjes së episodeve.

Dieta pas Infarktit

Rekomandimet deri më tani theksojnë një dietë të bazuar në ushqime me prejardhje bimore, të varfër në yndyrë dhe të pasur në fibra dhe antioksidantë.

Ushqimet qe mbrojnë nga insufiçienca  kardiake

-Perimet

-Frutat

-Fasulet

-Drithërat e plotë

-Proteinat e sojës

-Vaji i ullirit

Ushqimet që mendohet të kenë efekt mbrojtës, për të cilat të dhenat nuk janë plotësisht bindëse

-Frutat e thata dhe farat

-Mishi i pules

-Peshku i yndyrshëm

-Bulmeti

-Ushqimet që lidhen me rrezik kardiak të rritur

-Mishi

-Ushqimet me kripë (përfshirë frutat e thata dhe farat e kripura)

-Ushqimet e skuqura

-Peshku i skuqur

-Pijet e sheqerosura

Mesazhi përfundimtar

-Zëvendesoni bukën e bardhë me bukë të zezë dhe orizin/makaronat e bardha me variantin integral.

-Zëvendesoni çdo lloj yndyre me vaj ulliri të shtypur në të ftohtë.

-Bazoni dieten tuaj në ushqime bimore si drithrat, fasulet, perimet, frutat dhe frutat e thata.

-Largoni mishin dhe veçanërisht sallamet, proshutat, produktet e tymosura.

-Evitoni konsumin e konservave.

-Konsumoni 3 herë në javë peshk të vogël të kaltër.

-Konsumoni 2 herë në javë fasule ose thjerrza si vakt kryesor dhe shtoni shpesh nëpër sallata fasule me ngjyrë ose qiqra.

-Zgjidhni kosin pa yndyrë nga bulmeti dhe sasi të moderuara djathi, mundësisht pa kripë.

-Eliminoni kripën sa më shumë.

-Nëse konsumoni alkol preferoni verën e kuqe dhe atë me pakicë.

-Ecni çdo ditë të paktën 30 minuta me ritëm të shpejtë

-Konsumoni bashkë me mengjesin sipas stinëve: lëng shege, lëng thane, lëng boronice ose lëng portokalli. Nëse nuk merrni mjekim, mund të konsumoni edhe lëng qitro.

-Mos konsumoni më shumë se 6 vezë në javë.

-Kontrolloni vitaminën D në gjak dhe sigurohuni të jetë në nivele optimale, ndryshe merrni suplementë.

 

LËR NJË MESAZH

Please enter your comment!
Please enter your name here