Blerina Bombaj, dietologe
Mjaltë me limon: Një lugë mjaltë është përdorur ndër shekuj për të qetësuar fytin e acaruar. Duke i shtuar një gjysmë limoni të shtrydhur, ndihmon në shpërbërjen e mukozës në grykë.
Avuj kamomili: Jo vetëm çaji i kamomilit, por edhe avujt e tij në zierje e sipër mund të ndihmojnë në qetësimin e rrugëve të frymëmarrjes. Çaji i kamomilit ndihmon tretjen dhe gjumin.
Çaji i mentes ul temperaturën e lartë: gjethet e mentes mund të hidhen në çajin e malit dhe ndihmon në uljen e temperaturës, por edhe për pastrimin e sinuseve.
Çaj xhenxhefili: xhenxhefili është një bimë aziatike, e ngjashme në ngjyrë me pataten. Ajo gjendet lehtë edhe në tregun tonë. Çaji i xhenxhefilit ose përdorimi i rregullt i tij në gatime të ndryshme është shumë i dobishëm për organizmin tonë.
Kos me probiotikë: probiotikët janë mikro-organizma që përmirësojnë dhe forcojnë shëndetin e aparatit tonë tretës. Në mjekësi ka shumë zëra që mbështesin teorinë se imuniteti dhe shëndeti fillon nga zorra.
Duke pasur një aparat tretës të shëndetshëm, është shumë e vështirë të mundemi nga virozat dhe mikrobet e ndryshme që na vijnë rrotull në stinën e dimrit.
Ushqimet që duhen evituar gjatë ekspozimit ndaj viruseve:
Armiku kryesor i sistemit tonë imunitar duket se është sheqeri. Është mirë ta kufizoni sasinë e sheqerit dhe ushqimeve që janë përgatitur me të.
