Përshtati në shqip për gazetën “Shëndet+”: Blertina Koka
Gratë shtatzëna që konsumojnë shumë fruta gjatë shtatzënisë kanë fëmijë më inteligjentë, kanë zbuluar shkencëtarët.
Foshnjat, nënat e të cilëve konsumojnë shumë fruta, duke filluar nga bananet deri tek luleshtrydhet, kanë koefiçent më të lartë inteligjence. Ndikimi nuk është i njëjtë nëse fëmijët ushqehen vetë me fruta në vitet e para të lindjes.
Ekspertët e zhvillimit të fëmijëve në Kanada testuan më shumë se 800 fëmijë të moshës 1 vjeç, nënat të cilëve ishin bërë pjesë e një studimi ndërkombëtar gjatë shtatzënisë. Ata më pas krahasuan rezultat e testeve, ku matën aftësitë e të të mësuarit dhe kujtesën e të sapolindurve, me sasinë e frutave që nënat e tyre kishin konsumuar gjatë shtatzënisë.
Në fund të studimit ata dolën në përfundimin se sa më shumë fruta të konsumojnë nënat gjatë shtatzënisë, aq më inteligjentë janë fëmijët e tyre. Për çdo racion fruta të konsumuara çdo ditë nga nënat, rezultatet e testeve ishin mesatarisht 2.38% më mirë.
Burimi: Daily Mail / https://shendeti.com.al/
