Hetimet e Prokurorisë për koncesionet e Ministrisë së Shëndetësisë janë ende në zhvillim, edhe pse janë regjistruar si procedim penal pa asnjë emër konkret.
Gjatë hetimeve, është zbuluar se firma e ministrit Ilir Beqaj nuk është në kontratat e koncesioneve.
Gazeta ‘Shqip’ shkruan sot se në këto kontrata është firma e dy zëvendësministrave, Milva Ikonomi që tashmë është ministre e Financave dhe e Klodjan Rrjepaj. Për këtë arsye, Ikonomi dhe Rrjepaj do të merren në pyetje ditët në vijim.
Edhe pse hetimet për Ministrinë e Shëndetësisë janë quajtur dosja ‘Beqaj’, asnjë emër konkret nuk është shënuar në procedimin penal. Gjithashtu, akuza për korrupsion është rrëzuar dhe kanë mbetur vetëm dy akuzat shpërdorim detyre dhe shkelje të barazisë në tendera.
