Denisa Canameti / Shëndet+
Në Spitalin Rajonal të Durrësit janë anuluar të gjitha operacionet e planifikuara. Burime të brendshme deklarojnë se shkak për anulimin është bërë mungesa e anestezisë, pa të cilën nuk realizohen dot operacionet me anestezi të plotë.
Bëhet e ditur se në këtë spital mungojnë gjithashtu edhe serumet.
Spitali i Durrësit ka qenë këto ditë i përfshirë nga probleme duke qenë se edhe drejtoresha e këtij spitali është nën akuzë për shkelje dhe është larguar nga puna. Në vend të saj është një drejtues i komanduar, gjithsesi mungesa e drejtuesit duket se i ka sjellë probleme jo të pakta këtij spitali./ https://shendeti.com.al/
