Ministria e Shëndetësisë konfirmon se gjatë 24 orëvë të fundit janë konstatuar 8 raste të reja duke e çuar numrin total të të prekurve nga koronavirusi në 475. Nga këto, 6 raste janë në Tiranë, 1 në Shkodër dhe 1 në Kukës. Shqetësues është fakti se 2 nga të konfirmuarit pozitivë janë pjestar të stafit mjekësor.
Bëhet fjalë për një infermiere në Shkodër dhe një infermier të Urgjencës në Kukës.
“Nga rezultatet e testimeve janë konfirmuar 8 raste pozitive me COVID-19, prej të cilëve 6 raste në Tiranë, 1 personel shëndetësor në Shkodër dhe 1 personel shëndetësor në Kukës”, u shpreh Tomini në deklaratën e ditës së sotme.
Sipas burimeve infermieri i prekur me koronavirus në qytetin e Kukësit është infektuar gjatë transportimit të një pacienti me COVID-19 nga qyteti i Hasit.
