Përshtati në shqip për “Shendeti.com.al”: Marsela
1. Merrni frymë me anë të barkut
Për të pasur një frymëmarrje sa më të thellë, është e rëndësishme që të merrni frymë me anë të barkut.
Në këtë mënyrë një sasi e madhe e oksigjenit hyn në trup, e cila ngadalëson rrahjet e zemrës dhe ndihmon në uljen e nivelit të ankthit. Sipas specialistëve, të marrit frymë në këtë mënyrë stimulon sistemin nervor parasimpatik, që e përkthyer në ndjenja do të thotë: ‘paqe dhe qetësi’.
Një fakt shumë interesant është që ne fillimisht, sa lindim, marrim frymë me bark. Kjo vihet re sidomos tek të porsalindurit, ku është më e dukshme ulja dhe ngrita e barkut çdo herë që ata marrin frymë. Diku gjatë udhëtimit të jetës, ne e humbasim gradualisht këtë cilësi dhe marrim frymë në mënyrë sipërfaqësore.
Këshillë: Gjatë kohës që merrni frymë, vendoseni dorën mbi bark, kështu lëvizja do jetë më e kuptueshme.
2. Merrni frymë me hundë
Frymëmarrja me hundë ngroh ajrin dhe kjo e bën këtë të fundit më të asimilueshëm nga trupi. Nga ana tjetër, frymëmarrja me gojë mund të jetë e dëmshme për shëndetin. Ky përfundim u publikua në revistën “General Dentisty”, në vitin 2010. Ky studim ishte i fokusuar më tepër tek fëmijët dhe tregonte se marrja frymë me gojë mund t’u ndryshonte fëmijëve edhe formën e gojës. Kur ajri futet në trup me anë të gojës, ai ka një përqendrim më të ulët të oksigjenit dhe me kalimin e viteve kjo mund të shkaktojë probleme në tension, zemër dhe jo vetëm.
Këshillë: Përpiquni të merrni frymë me hundë dhe jo me gojë.
Burimi: Women’s Health and Fitness / https://shendeti.com.al/
