Të kesh para dhe të jesh i famshëm nuk do të thotë se je imun ndaj luhatjeve emocionale apo sfidave të jetës. Komediani sharmant Ouen Uillson, i njohur për suksesin e madh në kinematografi, në moshën 38-vjeçare ka kaluar në një gjendje të thellë 
depresioni, duke tentuar të kryejë vetëvrasjen nëpërmjet overdozës me pilula. Familja dhe miqtë e tij ishin të shokuar kur u vunë në dijeni të situatës dhe u frikësuan për jetën e aktorit.
Ka aludime se shkaku i depresionit nga i cili kishte disa muaj që vuante, ishte ndarja nga e dashura (Kate Hudson) dhe shoqërimi i saj me një mashkull tjetër. Shumë njerëz të afërt të komedianit të suksesshëm u befasuan nga ky lajm pasi ai nuk njihej si nje figurë problematike, përkundrazi ai ishte i qetë dhe i sjellshëm me të gjithë.
“Pas situatës së vështirë që kalova, kisha nevojë të pushoja dhe të kurohesha, por doja ta bëja këtë larg medias”, tha Uillson për fansat e tij. Tani aktori thotë se i është kthyer normalitetit.
Pasi mori trajtimin e nevojshëm dhe rifitoi shëndetin mendor, në 2007 ai iu rikthye roleve të reja në kinema duke dëshmuar se problemet e tij me depresionin kishin marrë fund./ Përgatiti në shqip: Elena Beta
