Përshtati në shqip për “Shendeti.com.al”: Blertina Koka
13 njerëz janë sëmurë nga një infeksion i rëndë fungal, që mund të rezultojë fatal. Qendra për Kontrollin dhe Parandalimin e Sëmundjeve ka ngritur alarmin në lidhje me infeksionin Candida auris, i cili po rrezikon jetën e amerikanëve dhe njerëzve në të gjithë botën. Ky infeksion mund të merret nga mjetet e kujdesit shëndetësor nëpër spitale apo klinika.
7 raste janë regjistruar në vitet maj 2013 dhe gusht 2016. Katër prej këtyre 7 pacientëve kanë ndërruar jetë, të gjithë me infeksione në rrugët e gjakut, edhe pse nuk është e sigurt nëse vdekjet janë shkaktuar për shkak të bakterit C. auris.
6 rastet e tjera janë identifikuar pas muajit gusht dhe janë akoma nën mbikëqyrje.
Drejtuesit e Qendrës për Kontrollin dhe Parandalimin e Sëmundjeve e kanë cilësuar këtë infeksion si një kërcënues emergjent, për të cilin duhet vepruar menjëherë. Ata iu bëjnë thirrje punonjësve në spitale dhe qendra shëndetësore të ndjekin me kujdes procedurat e pastrimit, për të shmangur transmetimin e baktereve nga një pacient në tjetrin.
“Duhet të veprojmë menjëherë për të kuptuar më mirë dhe ndaluar përhapjen e këtij infeksioni fungal rezistent ndaj ilaçeve”, bën thirrje drejtuesi i Qendrës për Kontrollin dhe Parandalimin e Sëmundjeve, dr. Tom Frieden.
Burimi: CNN / https://shendeti.com.al/
