Ekspertët japin alarmin: Një tjetër sëmundje seksualisht e transmetueshme po bëhet e pakurueshme

Përshtati në shqip për “Shendeti.com.al”: Blertina Koka

gonorrea

Një tjetër krizë globale shëndetësore është në horizont, paralajmërojnë ekspertët e shëndetit, pasi antibiotikët po humbasin funksionin e tyre. Ata kanë zbuluar se një tjetër sëmundje seksualisht e transmetueshme, Gonorrea, shumë shpejt do të jetë e pakurueshme nga antibiotikët.

Duke qenë se bakteret që shkaktojnë sëmundjen gonorrea janë aktualisht rezistente ndaj disa medikamenteve, si penicilinës, tetraciklinës etj, shkencëtarët nga Qendra për Kontrollin dhe Parandalimin e Sëmundjeve i frikësohen rezistencës së kësaj sëmundjeje seksualisht të transmetueshme edhe ndaj dy antibiotikëve të vetëm që kanë ngelur për trajtimin e saj,  “azithromycin” dhe “ceftriaxone”. Nëse lihet pa trajtuar, gonorrea mund të shkaktojë probleme serioze me shëndetin, duke përfshirë këtu sëmundjen inflamatore të legenit tek femrat, që mund të çojë në interfertilitet, ndërsa tek meshkujt mund të shkaktojë sterilitet.

Gonorrea është  infeksion bakterial që shkaktohet nga Neisseria gonorrhea. Bakteri infekton uretrën e burrave dhe grave, sikurse edhe një sërë gjendrash gjenitale, të tilla si gjendrën e Tajsonit tek burrat  dhe gjendrën e Bartolinit tek gratë, kanalin cervikal uterin, tubat, rektumin, konjuktivën e syrit, gojën dhe faringun. Gonorrea transmetohet zakonisht përmes seksit nga goja, vagina dhe anusi, por ky infeksion mund të transmetohet edhe nëse nuk ka shkëmbim të lëngjeve trupore. Gonorrea mund të kalojë edhe nga nëna tek fëmija gjatë momentit të lindjes, kur fëmija kalon nëpër kanalin e lindjes.

Burimi: CNN / https://shendeti.com.al/

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi