Katër punonjës të Fondit të Detyrueshëm të Kujdesit Shëndetësor në Qarkun e Elbasanit dyshohet se janë prekur nga sëmundja e tuberkulozit. Sipas BalkanWeb, nga kjo sëmundje paraprakisht thuhet se janë prekur, sekretarja e këtij institucioni, e cila është transportuar te Sanatoriumi në Tiranë.
Ajo iu është nënshtruar kontrolleve dhe terapisë intensive. Të prekur janë edhe tre persona të tjerë, me detyrë specialistë pranë Fondit të Sigurimeve dhe Kujdesit Shëndetësor.
Sipas burimeve të besueshme një nga punonjësit ka qenë i prekur fillimisht nga sëmundja ngjitëse dhe kjo ka bërë që të infektojë edhe disa persona nga ky institucion.
