Një estetiste bën thirrje përmes një statusi në Facebook që mos ta injoroni një shenjë të zezë në thua pasi mund të jetë shenjë e melanomës. Lisa Harrison Williams tregon se një ditë i kishte vajtur një kliente në sallon, e cila i kishte kërkuar t’i lyente thonjtë me një ngjyrë të errët për t’i fshehur një vijë të zezë në mes të thoit të gishtit të madh. Me mendimin se vija i ishte krijuar nga mungesa e kalciumit apo mpiksje të gjakut, ajo kërkonte vetëm pak bojë që ta mbulonte.
Por, pasi estetistja i sugjeroi që të kontrollohej tek një mjek, ajo zbuloi se në fakt kishte një lloj shumë agresiv të melanomës, i cili tashmë i ishte përhapur edhe në gjëndrat limfatike.
Postimi i plotë në Facebook:
“Disa javë më parë, më erdhi një kliente. Prej vitesh frekuentonte rregullisht qendrat estetike për thonjtë. Kishte një vijë të drejtë vertikale në mes të thoit. Sapo u ul, tha se i nevojitej t’i lyente thonjtë me një ngjyrë sa më të errët, që të mbulonte shenjën. Qendrat e thonjve e kishin “diagnostikuar” në mënyra krejt të ndryshme. Disa i kishin thënë se ke mungesë kalciumi. Ca se ishte e trashëgueshme. Të paktën 1 i kishte thënë se ishte mpiksje gjaku.
“Kjo është melanoma! Nuk doja ta frikësoja, por i thashë se duhej të shkonte urgjentisht të vizitohej tek doktori! Më telefonoi sot për të më thënë se ishte një lloj shumë agresiv i melanomës, i cili i ishte përhapur edhe në gjëndrat limfatike. Prognoza e saj nuk ishte aspak e mirë! Ju lutem, kushtojuni vëmendje çrregullimeve tek thonjtë! Ndryshime të çuditshme tek thonjtë mund të mos jenë asgjë për t’u shqetësuar. Por, ndonjëherë janë tregues i një sëmundjeje shumë të rëndë.
Gjithashtu, hidhuni një sy thonjve të duarve dhe të këmbëve të më të moshuarve dhe të të dashurve tuaj që nuk e kanë të mundur t’i dallojnë vetë! Diagnoza e hershme mund të bëjë të gjithë ndryshim në botë!
Postimi ka marrë me mijëra komente dhe shpërndarje!
https://www.facebook.com/lisa.harrisonwilliams/posts/10212788096753912
Burimi: Mirror.co.uk
