Rritet vdekshmëria foshnjore në Shqipëri me 1.9 në 5 vite. Të dhënat shqetësuese vijnë nga Eurostat që ka krahasuar këtë tregues të vitit 2008 me atë të vitit 2013 për të dalë në përfundimin se në Shqipëri vdekshmëria foshnjore është në raportin 7,9 
vdekje në 1000 lindje.
Krahasuar me vitin 2008 ku kishte 6 vdekje për 1 mijë lindje, ky tregues është rritur me 1.9 për 5 vjet.
Si faktor kryesor në rritjen e vdekshmërisë foshnjore Eurostat rendit burimet e kufizuara financiare, kushtet e këqija të jetesës apo edhe informacionin e ulët të grave në zonat rurale.
Sipas raportit të publikuar nga Eurostat, Shqipëria renditet parafundit në listen e vendeve evropiane dhe të Ballkanit për treguesin e vdekshmërisë foshnjore.
Vendin e fundit në rajon e mban Maqedonia, e cila ka 10.2 vdekje në çdo 1 mijë lindje.
