Përgatiti për gazetën “Shëndet+” dhe Shëndeti Online: Elena Beta
Shkaqet kryesore të dhimbjeve të gjymtyrëve janë artriti, thyerja e kockave, muskujt e tendosura. Edhe konsumimi i ushqimeve të caktuara mund të ndikojë shumë.
Këto janë ushqimet që duhen shmangur në rastin e dhimbjeve:
Sheqeri artificial:
Revista Amerikane “Clinical Nutrition” publikoi një studim në vitin 2014, i cili tregoi se këto ushqime mund të kontribuojnë në shfaqjen e artritit reumatoid tek femrat.
Prandaj, përdorni mjaltë ose stevia, dhe shmangni ëmbëlsirat, pijet e gazuara, drithërat me sheqer, dhe pastat e ndryshme.
Mishi i kuq dhe i përpunuar:
Mishi i kuq mund të përkeqësojë dhimbjen dhe inflamacionin. Sipas një studimi të vitit 2014 të kryer në Akademinë Kombëtare të Shkencave, mishi i kuq mbështet rritjen e kancerit dhe përkeqëson inflamacionin.
Vezë:
Konsumi i rregullt i vezëve çon në më shumë inflamacion dhe ënjtje. E verdha e vezës përkeqëson inflamacionin pasi përmban acid arachidonic që prodhon prostaglandins (shkaktarëve të inflamacionit). Veza mund të përmbajë edhe yndyrna të ngopura, të cilat kanë efekte të dëmshme mbi dhimbjet e nyjeve.
Alkool:
Konsumimi i tepërt i alkoolit ka një efekt negativ në dhimbjet e kockave. Birra përmban komponentë të cilat janë konvertuar në acid urik duke u bërë kështu të dëmshëm për kockat. Kjo pije përmban edhe gluten e cila është e dëmshme për nyjet e brishta.
Burimi: healthyfoodhouse
