Sot miliona njerez ne mbare boten, I thone jo duhanit.
Thuaji JO duhanit !!!
Thuaji PO jetes !!!
(mesazh sensibilizues ne Diten Boterore Pa Duhan)
Duhanipirja vret rreth 6 milionë njerëz çdo vit në botë, prej të cilëve më shumë se 600.000 janë jo-duhanpirës, të vdekur nga qëndrimi në ambiente me tym duhani (nga duhanpirja pasive). Nëse nuk veprojmë tani, epidemia do të vrasë më shumë se 8 milionë njerëz çdo vit duke filluar nga viti 2030.
Më shumë se 80 % e këtyre vdekjeve të parandalueshme do të jetë në mesin e njerëzve që jetojnë në vendet me të ardhura të ulëta dhe mesme.
Në Shqipëri vdesin afro 3.300 persona nga sëmundjet që shkakton duhani.
Taksimi i produkteve të duhanit është edhe masa më efektive që njihet për të kontrolluar duhanin dhe ajo ka edhe avantazhe të tjera të shtuara, përveçse arritjes së synimit që është ulja e konsumit të duhanit, apo rritja e të ardhurave qeveritare.
Taksat më të larta ndikojnë tek disa duhanpirës ta lënë atë dhe ndikon që të tjerët të mos e fillojnë.
Gjithashtu ka një ndikim në pengimin e ish duhanpirësve ta rifillojnë dhe redukton numrin e cigareve te konsumuara.
Mesatarisht nëse niveli i çmimit të cigareve rritet me 10%, kjo do të thotë se në vendet me të ardhura të larta kërkesa do të ulet me 4% dhe me rreth 8% në vendet me të ardhura të ulëta dhe mesatare, sepse njerëzit me të ardhura me të ulëta janë më të ndjeshëm nga një rritje në çmim duke penguar të rinjtë për të filluar të pijnë duhan.
Sipas Bankës Botërore masa më efektive në kontrollin e duhanit është rritja e taksës së produkteve të duhanit. Qeveritë kane fuqinë që me anë të akcizave të duhanit të arrijnë qëllimet e tyre siç është kontrolli i kërkesës për produktet e duhanit, përmirësimi i shëndetit publik dhe rritja e të ardhurave tatimore.
Raporti Botëror i Shëndetit në 2010 tregoi se një rritje 50 % e akcizave të duhanit do të gjenerojë fonde shtesë dhe nëse qeveria do t’i orientonte për shëndetin , shpenzimet shëndetësore në këto vende mund të shkojnë deri në 50 % .
Qëllimet:
Qëllimi përfundimtar i Ditës Botërore Pa Duhan është mbrojtja e brezave të sotëm dhe të ardhshëm nga pasojat shkatërruese mbi shëndetin, shoqërinë, mjedisin dhe ekonominë; rrjedhojë e konsumit të duhanit dhe ekspozimit ndaj tymit të duhanit.
Qëllimet specifike të fushatës 2014 janë :
• Individët dhe organizatat e shoqërisë civile të inkurajojnë qeveritë e tyre për të rritur taksat mbi duhanin, në nivelet që të reduktojnë konsumin e tij.
• Duhani është shkaku kryesor i shumë vdekjeve, që mund të shmanget. Përdorimi i duhanit është shkaku i vetëm i vdekjeve të parandalueshme dhe aktualisht është përgjegjës për 10% të vdekjeve tek të rriturit në mbarë botën.
