Familja shqiptare ndërmerr një vendim human që do të mundësojë shpëtimin e disa jetë njerëzish. Ata i janë përgjigjur me ‘Po’ kërkesës së mjekëve për të dhuruar e organet e Dejvisit, djaloshit 13 vjeçar i cili humbi jetën në Itali, pas një aksidenti me makinë së bashku me nënën e tij Blerina.
Një veprim më shumë se human, e kanë cilësuar mediat italiane aktin e familjes shqiptare, që mes dhimbjes shkatërruese për humbjen e dy jetëve, vendosi që t’i japë jetë fëmijëve të tjerë që luftojnë me vdekjen.
“Thamë po, për të shpëtuar jetët e fëmijëve të tjerë. E bëmë sepse është veprimi i duhur” thotë xhaxhai i Dejvisit, Arjan Alla.
Familja Alla ka dhënë miratimin pas lajmit të vdekjes së13-vjeçarit.
Me të marrë miratimin e familjarëve, një ekip i specializuar kirurgësh kanë bërë nxjerrjen e organeve të rëndësishme nga trupi i të voglit, i cili ishte ndërkohë në vdekje cerebrale.
Dejvis Alla ndërroi jetë në spital, pas plagëve të rënda, ndërsa nëna e tij vdiq në vendngjarje.
