Përshtati në shqip: Blertina Koka
Nuk po themi që të pini derisa të deheni.
Megjithatë studimet kanë treguar se konsumimi i birrës mund të ndihmojë në uljen e tensionit të gjakut, për të rënë në peshë dhe parandalon diabetin. Birra ka në përmbajtje të lartë një përbërës, i quajtur xanthohumol, që mund të parandalojë efektet negative të dietave të larta në yndyra.
Këto dieta çojnë në zhvillimin e sindromës metabolike – si obezitet, tension i lartë i gjaku, nivele të larta të sheqerit në gjak dhe kolesterolit.
Eksperimentet e kryera tek minjtë kanë treguar se ndonëse minjtë u ushqyen me ushqime të larta në yndyra, ngjashëm me dietën perëndimore, flavonoidi tek birra ndihmoi në parandalimin e zhvillimit të këtyre sëmundjeve.
Një përbërës i birrës ka sidomos potencialin në uljen e rezistencës ndaj insulinës – faktori kryesor që çon në shfaqjen e diabetit të tipit 2.
Ai ul gjithashtu ndjeshmërinë ndaj leptinës – një hormon i prodhuar në trup që sinjalizon trurin kur duhet ndaluar së ngrëni dhe nis djegien e dhjamit.
Hulumtuesit shkencorë nga Universiteti Shtetëror Oregon arritën në këtë konkluzion pasi testuan përbërësit xanthohumol (XN), DXN dhe XN tek minjtë obezë. Këto rezultate mbështesin studimet e mëparshme së sugjerojnë se përbërës të tillë mund të përdoren në të ardhmen për të trajtuar sindromën metabolike.
Burimi: Daily Mail / Shendeti.com.al
