Një fëmijë 1-vjeçar nga Gaza është evakuuar në vendin tonë mbrëmjen (15 janarit 2025) për trajtim të specializuar mjekësor.
Lajmi është bërë i ditur nga Organizata Botërore e Shëndetësisë në Shqipëri, ku thekson se babai, vëllai dhe motra e vogëlushit janë akomoduar në qendrën e refugjatëve në zonë e Babrrusë në kryeqytet, ndërsa fëmija aktualisht po merr kujdesin mjekësor në Spitalin Universitar “Nënë Tereza”.
Meqë shumë pacientë nga Gaza kërkojnë kujdes urgjent mjekësor, përpjekjet e koordinuara ndërkombëtare mbeten vendimtare.
Lufta në Rripin e Gazës ka pasur pasoja katastrofike edhe në jetë fëmijësh.Raportohet se 14,000 kanë humbur jetën, sipas vlerësimit të fundit nga Ministria e Shëndetësisë palestineze; mijëra të tjerë janë plagosur. Nuk ka hapësira të sigurta. Të gjithë fëmijët e Gazës janë ekspozuar ndaj traumave të luftës.
Ata nuk kanë akses të mjaftueshëm në ujë, ushqim dhe ilaçe.
