Fëmija e parë që erdhi në jetë për vitin 2018 u lind në kryeqytet në maternitetin “Koço Gliozheni” vetëm 1 minutë pasi kishte hyrë viti i ri. Ai është i seksit mashkull dhe e kanë pagëzuar me emrin Lael. Ndërkohë, në orën 00:02 ka ardhur në jetë një tjetër bebe në maternitetin “Mbretëresha Geraldinë“. Foshnja e gjinisë femër është quajtur Nadia.
Ministrja e Shëndetësisë dhe Mbrojtjes Sociale, Ogerta Manastirliu ka vizituar në këtë ditë të parë të vitit fëmijët e parë të lindur në të dyja maternitetet në kryeqytet.
Sipas Ministrisë së Shëndetësisë, ky vit ka ardhur vërtet i mbarë, pasi plot 16 fëmijë erdhën në jetë në këtë ditë të parë të vitit 2018 në dy maternitetet e Tiranës.
Në një postim në faqen e saj zyrtare në Facebook ministrja falënderon stafin mjekësor në të gjitha spitalet për shërbimin 24 orë në këto ditë festash, ndërkohë që uron një vit të begatë për të gjithë shqiptarët./Shendeti.com.al
