Përgjigjet Manjola Liko, mjeke kardiologe në Poliklinikën e Specialiteteve Nr.3, Tiranë.
Defektet kongenitale tek fëmijët, ose siç njihet në popullsi vrima në zemër, dyshohen duke i dëgjuar mjeku pediatër me stetoskop, ndërsa diagnozën e vendos ekoja kardiake. Në varësi të madhësisë së defektit (vrimës), mjeku kardiopediatër përcakton edhe mënyrën e trajtimit, e cila jo gjithmonë është kirurgjikale, pasi në varësi të madhësisë mund të mbyllet edhe me rrugë katerizimi. Ajo që është me rëndësi është që defekti të kapet në kohë. Nëse lihet gjatë, vonohet ndërhyrja, mund të japë zgjerim të mureve të zemrës dhe probleme të tjera shtesë që pengojnë rritjen dhe zhvillimin normal të fëmijës./ Shendeti.com.al
