Kur rriten nga gjyshërit, fëmijët shëndoshen më tepër. Ky është rezultati i nxjerrë nga një studim i Universitetit të Helsinkit dhe i publikuar në 
revistën “Evolutionary Psichology”. Kërkuesit kanë krahasuar të dhënat e 9000 familjeve angleze me të paktën një fëmijë të moshës 9 muajsh deri në 3 vjeç, duke i krahasuar peshën dhe parë mënyrën e rritjes: rezultoi se ata për të cilët kujdeseshin më shumë gjyshërit kishin 22% më shumë rrezik të ishin në të ardhmen mbipeshë ose obezë krahasuar me bashkëmoshatarët që ushqeheshin nga mamatë ose dadot.
Kjo për shkak se gjyshërit, sipas traditës së rolit të tyre, duan të rrisin “shanset” e mbijetesës së fëmijëve duke i ushqyer. Por e ekzagjerojnë. Krahasuar me shkuarën, sot njerëzit martohen në moshë më të madhe, çka do të thotë që edhe gjyshërit janë më të mëdhenj në moshë dhe ndryshojnë kështu mënyrën e përllogaritjes së kohës së kaluar me fëmijët.
Më pak energjikë se në të shkuarën, në përgjithësi gjyshërit modernë përpiqen t’i mbajnë urtë të vegjlit duke u dhënë biskota, torta, patatina, duke mos pasur parasysh se këto ushqime i shëndoshin.
