Në ditën e dytë të vitit 2014,Urgjenca e Qendrës Spitalore “Nënë Tereza” vijon normalisht punen. Kryeinfermieri i Urgjencës së Tiranës, Misir Stojku tha se naten e ndërrimit të viteve jane paraqitur në urgjencë rreth 22 raste ndërkohë 60 familje kanë kërkuar shërbimin e autoambulancës në banesë. “Personat e paraqitur ne Urgjence ishin me shenja helmimi, nga pijet alkoolike më së shumti dhe pak raste nga ushqimi” sqaron Stojku duke shtuar se pacientët pasi i janë nënshtruar trajtimit e kanë kaluar rrezikun . Stojku rithekson se shërbimi i Urgjencës në Tiranë është në gatishmëri të plotë me autoambulanca dhe personel mjekësor.
