Më datë 30 maj, në ambientet e Piramidës do të zhvillohet ”Festivali i Ideve Rinore 2017”, eventi më i madh kushtuar dijes dhe kreativitetit të të rinjve.
Ky aktivitet, i organizuar nga Instituti AIPA në bashkëpunim me Ministrinë e Arsimit dhe Sportit dhe partnerët ka për qëllim integrimin e aftësive dhe kompetencave të fituara përmes edukimit formal, joformal e informal, me vlerat me të mira sociale, në shërbim të një zhvillimi të qëndrueshëm lokal në themel të të cilit janë, të rinjtë, komuniteti dhe ‘Shkolla si Qendër Komunitare’.
Këtë vit ky festival përpos tematikës “Evropa e qytetarëve” dhe tematikave të tjera të larmishme, të cilat mundësojnë shpalosjen dhe promovimin e dijes, imagjinatës, kreativitetit dhe produktivitetit të të rinjve shqiptarë, këtë vit propozojmë edhe konceptin e STEAM (shkencë, teknologji, inxhinieri dhe matematikë) si ndër tematikat kryesore të Festivalit të Ideve Rinore.
Gjatë ditës së Festivalit do të zhvillohen njëherazi disa aktivitete në hapësira të ndryshme, si:
- Stenda promocionale
- Takime dhe bisedime me personalitete të shquara
- Workshope e seminare me eksperte nga vendi dhe ë huaj
- Aktivitete dhe evente me mësues, drejtorë, apo anëtarë të komunitetit
- Aktivitete rekreative dhe shpalosja e tyre në hapësira të dedikuara për secilën tipologji aktivitetesh.
Protagonistët kryesorë të këtij festivali do të jenë sërish të rinjtë me një përfshirje të shkollave të mesme të Shqipërisë. Ndër institucionet e pranishme në këtë festival do të jenë shkollat qendër komunitare dhe ato të mesme, organizmat e nxënësve, klubet e nxënësve, komuniteti i mësuesve, komuniteti i prindërve, institucionet arsimore, organizata lolake e ndërkombëtare e sektori i biznesit që kanë si mision çështjet që lidhen me edukimin në përgjithësi dhe me edukimin për zhvillim të qëndrueshëm, brenda dhe jashtë vendit./ Shendeti.com.al
